वरिष्ठ अधिकाऱ्यांचा अहवाल निगेटिव्ह
प्रतिनिधी/सांगली
जिल्हा परिषदेमध्ये असणाऱ्या जिल्हा कोरोना नियंत्रण कक्षात कोरोना शिरल्याने नियंत्रण कक्षातील 54 जणांचे स्वॅब घेण्यात आले होते. यामध्ये नियंत्रण कक्ष प्रमुख तथा जिल्हा शल्य चिकित्सक डॉ. संजय साळुंखे , जिल्हा आरोग्य अधिकारी डॉ. भुपाल गिरीगोसावी, माता व बाल संगोपन अधिकारी डॉ. विवेक पाटील यांच्यासह 54 जणांचे घेतले होते.
यातील डॉ.संजय साळुंखे ,डॉ. भूपाल गिरीगोसावी, डॉ, विवेक पाटील यांचे अहवाल निगेटीव्ह आले आहेत. तर पाच कर्मचाऱ्यांचे अहवाल पॉझिटिव्ह आले आहेत. तर 43 जणांचे अहवाल प्रलंबित आहेत.
कोरोना नियंत्रण कक्षामध्ये कोरोना शिरल्याने जिल्हा परिषद मध्ये एकच खळबळ उडाली होती. त्यामुळे जिल्हा परिषद आणि कोरोना नियंत्रण कक्ष सॅनिटायझर करण्यात आला होता. तसेच जिल्हा परिषद मध्ये येणाऱ्या लोकांच्यावर निर्बध घालण्यात आली आहेत.