लखीमपूरमध्ये बस अन् ट्रकची टक्कर
वृत्तसंस्था/ लखीमपूर
उत्तरप्रदेशच्या लखीमपूरमध्ये बुधवारी मोठी दुर्घटना घडली आहे. भरधाव ट्रक अन् खासगी बसची टक्कर झाली आहे. दुर्घटनाग्रस्त बसमधून चालकासह 65 जण प्रवास करत होते. यातील 8 जणांचा घटनास्थळीच मृत्यू झाला तर 30 जण जखमी झाले आहेत. गंभीर जखमींना लखनौमध्ये हलविण्यात आले असून उर्वरितांवर जिल्हा रुग्णालयात उपचार सुरू आहेत.
मुख्यमंत्री योगी आदित्यनाथ यांनी या दुर्घटनेबद्दल दुःख व्यक्त करत जिल्हाधिकारी अन् पोलीस अधीक्षकांना घटनास्थळी मदत अन् बचावकार्याला वेग देण्यासाठी पाठविले आहे. संबंधित चालक भरधाव वेगाने बस चालवत होता असे एका प्रवाशाने सांगितले आहे.