दुबई / वृत्तसंस्था
आंतरराष्ट्रीय क्रिकेट समितीचे सीईओ मनू साहनी यांनी त्यांच्यावर सुरु असलेल्या चौकशीच्या पार्श्वभूमीवर पदाचा राजीनामा दिला. त्यांच्या गैरहजेरीत जॉफ ऍलार्डाईस हंगामी सीईओ म्हणून काम पाहतील, असे आयसीसीने म्हटले आहे. साहनी यापूर्वी मार्चपासूनच सक्तीच्या रजेवर होते. 56 वर्षीय साहनी गतवर्षी नव्या अध्यक्ष निवडीची प्रक्रिया सुरु झाली, त्यावेळेपासून दडपणाखाली होते. साहनी हे सिंगापूर स्पोर्ट्स क्लबचे माजी सीईओ राहिले असून ईएसपीएन स्टार स्पोर्ट्स कंपनीचे व्यवस्थापकीय संचालक म्हणूनही त्यांनी काम पाहिले. याच कंपनीत ते 17 वर्षे कार्यरत होते. साहनी मँचेस्टर युनायटेड लिमिटेड कंपनीचे नॉन एक्झिक्युटिव्ह डायरेक्टर व ऑडिट कमिटी मेम्बर आहेत.