जगभरात 94 व्या ऑस्कर पुरस्काराची तयारी जोरात सुरु आहे. सिनेसृष्टीत प्रतिष्ठेचा मानला जाणारा हा पुरस्कार भारतातील एका चित्रपटाला मिळावा यासाठी अनेकजण प्रयत्न करत आहे. दरम्यान येत्या ऑस्कर पुरस्कार 2022 च्या नामांकनासाठी एकूण 14 भारतीय चित्रपटांची नावे शॉर्टलिस्ट करण्यात आली आहे.
यात 14 चित्रपटांच्या यादीत बॉलिवूडमधील ‘शेरनी’ आणि ‘सरदार उधम’ या दोन चित्रपटांचा समावेश आहे. त्यामुळे यातील कोणत्या चित्रपटाची ऑस्करसाठी वर्णी लागते, हे पाहणे महत्त्वाचे ठरणार आहे. बॉलिवूड अभिनेत्री विद्या बालन हिचा ‘शेरनी’ चित्रपट व अभिनेता विकी कौशलचा ‘सरदार उधम’ या दोन चित्रपटांचा समावेश आहे. त्यासोबतच प्रादेशिक चित्रपटांमध्ये योगी बाबू यांचा ‘मंडेला’, मल्याळम भाषेतील ‘नयट्टू’ चित्रपटाचे नाव शॉर्टलिस्ट केले गेले आहे.
त्यामुळे ऑस्करच्या तिकीटासाठी ‘शेरनी’ आणि ‘सरदार उधम’ या दोन्ही चित्रपटांमध्ये चुरशीची स्पर्धा पाहायला मिळणार आहे.