ऑनलाईन टीम / नवी दिल्ली :
देशाची राजधानी असलेल्या दिल्लीत मागील 24 तासात सर्वाधिक म्हणजेच 3609 नव्या कोरोना रुग्णांची नोंद झाली. तर 19 जणांचा मृत्यू झाला आहे. त्यामुळे दिल्लीतील कोरोना बाधितांची एकूण संख्या 1 लाख 97 हजार 135 वर पोहचली आहे. यामधील 22,377 रुग्णांवर विविध रुग्णालयात उपचार सुरू आहेत.
दिलासादायक बाब म्हणजे मंगळवारी 1756 रुग्णांची प्रकृती सुधारली असून त्यांना घरी सोडण्यात आले आहेे. तर आतापर्यंत 1 लाख 70 हजार 140 रुग्ण कोरोनामुक्त झाले आहेत. तर आतापर्यंत 4618 जणांचा कोरोनामुळे मृत्यू झाला आहे. त्यामुळे दिल्ली वासियांची चिंता वाढली असून भीतीचे वातावरण निर्माण झाले आहे.
ताज्या आकडेवारी नुसार, दिल्लीत आतापर्यंत जवळपास 18 लाख 49 हजार 263 टेस्ट करण्यात आल्या आहेत. त्यातील 9944 आरटीपीसीआर टेस्ट आणि 35,853 रैपिड एंटिजेन टेस्ट करण्यात आल्या आहेत. सद्य स्थितीत कोरोना संसर्गाचे प्रमाण 10.66% आहे. तर 1166 झोन आणि 166 कंट्रोल रूम आहेत.