सांगली / प्रतिनिधी
येथील प .पू. कोटणीस महाराजांच्या 97 व्या पुण्यतिथी महोत्सवाला गुरुवार पासून उत्साहात प्रारंभ झाला. यानिमित्ताने सकाळी काकडा, भजन, पालखी सेवा आदी कार्यक्रम पार पडले. सायंकाळी समर्थभक्त मोहन बुवा रामदासी यांचे चिंतन दासबोधाचे या विषयावर प्रवचन होणार आहे. उत्सवानिमित्त मंदिरामध्ये आकर्षक विद्युत रोषणाई व फुलांची सजावट करण्यात आली आहे. गुरुनाथ कोटणीस महाराज यांच्यासह संजय कोटणीस, धनंजय कोटणीस यांनी उत्सवाचे संयोजन केले आहे.