Ajit Pawar : विधानसभेत आज लक्षवेधीला मंत्रीच गैरहजर असल्यानं विरोधी पक्षनेते अजित पवार हे चिडले.लक्षवेधीला सात मंत्री गायब असल्याने अजित पवार यांनी सरकारची खरडपट्टी काढली. यानंतर उपमुख्यमंत्री देवेंद फडणवीस यांनी दिलगीरी व्यक्त केली. सरकारचा अतिशय गलिच्छ कारभार सुरु आहे. बेजाबदारपणा सुरु असल्याचे म्हणत अजित पवारांनी खडे बोल सुनावले. यांचा विधीमंडळाच्या कामात रस नाही बाकीच्याच कामात यांचा रस आहे. तुम्हाला जबाबदारीच भान नाही तरआम्हाला का बोलावलं? असाही सवाल त्यांनी यावेळी उपस्थित केला.
यावेळी देवेंद्र फडणवीस यांनी दिलगीरी व्यक्त करत म्हणाले की, काल रात्री एक वाजेपर्यंत सभागृह सुरु होते. ऑर्डर ऑफ द डे हा रात्री एक वाजता निघाला. त्यामुळे हो गोंधळ झाला. यापुढे सर्व मंत्र्यांना सूचना देण्यात येतील. अपवादात्मक परिस्थितीत परवानगी घेऊन मंत्री गैरहजेरी लावतील. अन्यथा गैरहजर राहू नये असे निर्देश देण्यात येतील अशी ग्वाही फडणवीस यांनी दिली.त्याचबरोबर वेळेत ऑर्डर ऑफ द डे मिळेल या संदर्भातील खबरदारी घेतले जाईल असे अध्यक्षांनी सांगितले. आजचे कामकाज संपण्यापूर्वी संसदीय कामकाज मंत्री, विरोधी पक्षनेते यांच्यासोबत चर्चा करून लक्षवेधींचा दिवस ठरवण्यात येतील असे विधानसभेचे अध्यक्ष राहुल नार्वेकर म्हणाले.
Previous Articleपुण्यात पाकिस्तानी तरुणाला अटक
Abhijeet Khandekar
Meet Abhijeet Khandekar : a versatile content writer, scriptwriter, and content producer at Tarun Bharat Media. With a Master's degree in Journalism from Shivaji University, Abhijeet specializes in political news, entertainment, and local content. His captivating storytelling and deep industry knowledge make him an expert in crafting engaging narratives. Connect with Abhijeet for collaborations and captivating content that informs and entertains.