तामिळनाडूत विशेष खबरदारी
वृत्तसंस्था /चेन्नई
राष्ट्रीय गुप्तचर यंत्रणांच्या इशाऱयानुसार तामिळनाडूची राजधानी चेन्नईमध्ये अमेरिकेचा वाणिज्य दूतावास तसेच डिंडीगुलमधील ज्यू वसाहतीची सुरक्षा वाढविण्यात आली आहे. 31 जुलै रोजी अफगाणिस्तानच्या काबूलमध्ये अमेरिकेच्या ड्रोन हल्ल्यात अल-कायदा या दहशतवादी संघटनेचा म्होरक्या अयमान अल जवाहिरी मारला गेल्याच्या पार्श्वभूमीवर हे पाऊल उचलण्यात आले आहे.
केंद्रीय यंत्रणांनी राज्य पोलिसांना अन्य पाश्चिमात्य देशांच्या वाणिज्य दूतावांसासह अमेरिका तसेच इस्रायलच्या दूतावासांची सुरक्षा वाढविण्यासाठी इनपूट दिले आहेत. अन्य देशांच्या दूतावासांच्या परिसरात गस्त वाढविण्याचे निर्देश पोलिसांना देण्यात आले आहेत.
गाझामध्ये पॅलेस्टिनी वस्तींवर अलिकडेच इस्रायलकडून करण्यात आलेल्या हवाई हल्ल्यांमध्ये अनेक जणांना जीव गमवावा लागला होता. या पार्श्वभूमीवर केंद्रीय यंत्रणांनी ज्यूंशी निगडित ठिकाणांना सुरक्षा पुरविण्याचा निर्देश दिला आहे. तर राज्य पोलीस विभागाचे सायबर गुन्हे शाखा अनेक संशयित व्यक्ती तसेच संघटनांच्या सोशल मीडिया पोस्टवर करडी नजर ठेवून आहे. तामिळनाडूचे पोलीस महासंचालक सी. सिलेंद्रबाबू यांनी 75 व्या स्वातंत्र्य दिन सोहळय़ापूर्वी सुरक्षा उपाययोजनांकरता एक उच्चस्तरीय बैठक बोलाविली आहे.