ऑनलाईन टीम / मुंबई :
पुणे-मुंबई द्रुतगती महामार्गावर राष्ट्रवादीचे आमदार संग्राम जगताप यांच्या कारला भीषण अपघात झाला. एसटी बसने जगताप यांच्या बीएमडब्ल्यू कारला समोरून जोरदार धडक दिल्याने हा अपघात झाल्याची माहिती मिळत आहे. जगताप या अपघातातून थोडक्यात बचावले. पहाटे साडेपाचच्या सुमारास रासायनीनजिक हा अपघात झाला. (mla sangram jagtap bmw car accident on mumbai-pune expressway)
मिळालेल्या माहितीनुसार, संग्राम जगताप आज पहाटे मुंबईकडे निघाले होते. दरम्यान, 5.30 वाजण्याच्या सुमारास रासायनीजवळ एसटी बस आणि जगताप यांच्या बीएमडब्ल्यू कारची समोरासमोर जोरदार धडक झाली. यात जगताप यांच्या कारचा चक्काचूर झाला. सुदैवाने जगताप यांच्या कारमधील कोणालाही इजा झाली नाही. आमदार जगताप मुंबईत सुखरुप पोहचले आहेत.