वृत्तसंस्था/ कोलकाता
पश्चिम बंगालच्या जलपाईगुडी जिल्हय़ातील मैनागुडीमध्ये उत्तर बंगालकरता वेगळय़ा कामतापूर राज्याची मागणी करणाऱया एका संघटनेने रेलरोको आंदोलन मंगळवारी केले आहे. या आंदोलानामुळे रेल्वेवाहतूक 4 तासांहून अधिक काळ प्रभावित राहिल्याची माहिती एका अधिकाऱयाने दिली आहे.
आमची मागणी केंद्र तसेच राज्य सरकारपर्यंत पोहोचविण्यासाठी रेलरोको आंदोलन केल्याचे कामतापूर स्टेट डिमांड फोरमच्या पदाधिकाऱयांनी म्हटले आहे. मैनागुडीतील आंदोलनमुळे अनेक रेल्वेगाडय़ांना विविध स्थानकांवर रोखण्यात आले होते. तसेच काही रेल्वेगाडय़ांचे मार्ग बदलण्यात आले होते. उत्तर बंगाल या वेगळय़ा राज्याच्या निर्मितीच मागणी दीर्घकाळापासून होत आहे. या मागणीला मागील काही काळापासून स्थानिक स्तरावर पाठिंबा मिळत असल्याचे चित्र आहे.