पुलाची शिरोली/ प्रतिनिधी
सांगली फाटा येथे आराम बसमध्ये चढत असताना महिलेच्या पर्समधील साडेपाच तोळ्याचे सोन्याचे दागिने चोरट्याने हातोहात लांबवले. याची नोंद शिरोली एमआयडीसी पोलीस ठाण्यात झाली.
पोलिसांनी दिलेली माहिती अशी, की श्रद्धा गावडे या नांदेड येथे राहतात. त्या १७ एप्रिल रोजी रात्री नऊच्या सुमारास सांगली फाटा येथे आरामबसच्या प्रतिक्षेत उभ्या होत्या. त्यावेळी त्यांच्याकडे पर्स होती. त्या पर्समध्ये त्यांनी साडेतीन तोळे वजनाचे सोन्याचे गंठन, तीन ग्रॅमची नथ आणि दीड तोळ्याचा नेकलेस असे एकूण २ लाख ८९ हजार रूपये किमंतीचे दागिने होते. बस आल्यानंतर त्यामध्ये चढत असताना चोरट्याने त्यांच्या पर्समधील दागिने हातोहात लांबवले. याबाबतची फिर्याद गावडे यांनी काल दिली असल्याचे पोलिसांनी सांगितले.