प्रतिनिधी / गगनबावडा
गगनबावडा येथील शासकीय ग्रामीण रुग्णालयात कोल्हापूर जिल्हा शिवसेना पुरस्कृत सक्षम ग्रामीण आरोग्य अभियानांतर्गत अत्याधुनिक उपकरणांचा ऑनलाईन लोकार्पण सोहळा पार पडला.
शिवसेनेचे खासदार संजय मंडलिक यांच्या विशेष प्रयत्नातून माजी खासदार कै. सदाशिवराव मंडलिक इरिगेशन, रिसर्च फाउंडेशन यांच्या संकल्पनेतून कोल्हापूर जिल्ह्यातील दहा ग्रामीण रुग्णलयातील अत्याधुनिक उपकरणांचा ऑनलाईन लोकार्पण सोहळा शुक्रवारी मुख्यमंत्री उद्धवजी ठाकरे यांच्या हस्ते व आरोग्य राज्यमंत्री राजेश पाटील (यड्रावकर) यांच्या हस्ते ऑनलाईन पार पडला.
गगनबावडा येथील ग्रामीण रुग्णालयात माजी आमदार चंद्रदिप नरके यांच्या प्रयत्नातून ही अद्यावत सुविधा साधने उपलब्ध झाली आहेत. यावेळी तहसिलदार संगमेश कोडे, माजी सभापती बंकट थोडगे, युवानेते विनोद प्रभुलकर संजय पोतदार, रविंद्र सराफदार, विश्वनाथ पोतदार, बाळकृष्ण गावकर, वैदयकिय अधिकारी डॉ. विशाल पाटील, डॉ. दाते, डॉ. अजय गवळी, डॉ. विजय सावंत इत्यादीसह सर्व कर्मचारी उपस्थित होते.