अहमदाबाद / वृत्तसंस्था
गुजरातमधील कच्छ जिह्यात रविवारी 3.2 रिश्टर स्केल तीव्रतेचा भूकंप झाला. तसेच अंदमानमध्येही रविवारी सायंकाळी 4 वाजण्याच्या सुमारास भूकंप झाला. भूकंपमापन यंत्रावर याची तीव्रता 4.6 रिश्टर स्केल इतकी नोंदवण्यात आली. या भूकंपाच्या हादऱयांमध्ये कोणतीही जीवितहानी किंवा मालमत्तेचे नुकसान झाल्याचे वृत्त नाही. गुजरातमधील भूकंपाचा केंद्रबिंदू कच्छ जिह्यातील रापरपासून एक किमी पश्चिम-दक्षिण-पश्चिमेस 12.2 किमी खोलीवर होता. जिह्यात गेल्या एका महिन्यात पाचवेळा 3 रिश्टर स्केलहून अधिक तीव्रतेचे भूकंपाचे धक्के जाणवले आहेत.