प्रतिनिधी/ बेळगाव
आधीच्या चाचणीत कोरोनामुक्त ठरलेला एक रुग्ण नंतरच्या चाचणीत कोरोनाबाधित ठरल्याची घटना कुडची येथे घडली आहे. 28 आणि 30 एप्रिलला या रुग्णाच्या चाचण्या घेण्यात आल्या होत्या. त्यात तो कोरोनामुक्त असल्याचा अहवाल देण्यात आला होता. त्याला 5 मे या दिवशी घरी पाठविण्यात आले होते. परत घरी पाठविण्याच्या दिवशी त्याच्या लाळेचा नमुना घेण्यात आला होता. मात्र तो तिसऱया चाचणीत कोरोनाग्रस्त ठरल्यामुळे त्याला पुन्हा रुग्णालयात दाखल करण्यात आले आहे.