कुपवाड / प्रतिनिधी
दुसऱ्याच्या नावावर असलेल्या तीन गुंठ्यांचा रिकामा प्लॉट आपलाच असल्याचे दाखवून त्या प्लॉटचे बनावट दस्तऐवज करून पाच जणांनी मिळून एका माजी सैनिकाला तब्बल ३५ लाख ५५ हजार रुपयांला गंडा घातल्याचा खळबळजनक प्रकार उघडकीस आला आहे. याबाबत फसवणूक झाल्याची कुपवाड पोलिसांत नोंद झाली असून पोलिसांनी पाचजणां विरोधात गुन्हा दाखल केला आहे.
फिर्यादी दत्तात्रय कृष्णा हिप्परकर रा.चाणक्य चौक कुपवाड, मूळ सिंघणहळ्ळी ता.जत असे फसवणूक झालेल्या माजी सैनिकाचे नाव आहे. त्यांच्या तक्रारीनुसार संशयित बकुल कामन्ना शेटे, प्रशांत शेटे दोघे रा.रविवार पेठ, राजमाने चाळ माधवनगर, संदीप बोरगावे रा.लक्ष्मीनगर, कुपवाड, मुस्तफा नूरमहमंद शेख रा.गणेशनगर, बामणोली व रविंद्र नाभिराज पाटील रा.वखारभाग, सांगली यांच्याविरोधात गुन्हा दाखल झाला आहे. मात्र, रात्री उशिरापर्यंत कोणासही अटक करण्यात आली न्हवती.