गांधीचौक पोलिसांची कारवाई
प्रतिनिधी / विजापूर
विजापूर शहरातील गांधीचौक पोलिसांनी शुल्लक कारणावरून दि. 28 मे रोजी रात्री दहाच्या सुमारास मोसीन इनामदार नामक युवकाचा खून केल्याप्रकरणी सात आरोपींना अटक केली आहे. त्यांच्यावर भा. द. वि. कलम 143, 147, 148, 341, 324, 307, 302, 504, 506 अन्वये गांधीचौक पोलीस स्थानकात गुन्हा दाखल केला आहे. आसिफ मळ्ळी, रफिक नंद्याळ, साहेब खाद्री, सद्या जाहागिरदार, इरफान जमखंडी, सद्दाम जमखंडी, अफजल जमादार अशी अटक करण्यात आलेल्या सात जणांची नावे आहेत. यांच्याकडून दोन तलवार, एक कार जप्त करण्यात आली आहे. विजापूरचे जिल्हा पोलिसप्रमुख अनुपम अगरवाल, अतिरीक्त पोलिसप्रमुख राम अरसिद्दी यांच्या नेतृत्त्वाखाली गांधीचौक पोलीस स्थानकाचे निरीक्षक रविंद्र नायकोडी, उपनिरीक्षक महांतेश गौडर यांच्या पथकाने दि. 31 मे रोजी ही कारवाई केली आहे.