- ‘या’ शहरात सर्वाधिक रुग्ण
ऑनलाईन टीम / मुंबई :
महाराष्ट्रात एकीकडे कोरोना रूग्णांच्या संख्येत लक्षणीय घट होताना दिसत आहे. असे असले तरी दुसरीकडे पोस्ट कोविड रुग्णांमध्ये आढळणाऱ्या ‘ब्लॅक फंगस’ या आजाराने राज्यात अक्षरशः थैमान घालण्यास सुरूवात केली आहे.
ताज्या आकडेवारीनुसार महाराष्ट्रात आतापर्यंत ‘ब्लॅक फंगस’ चे एकूण 8 हजार 646 रुग्ण आढळून आले आहेत. त्यामधील 828 जणांचा मृत्यू झाला आहे. तर सध्या 4,086 रूग्णांवर उपचार सुरू आहेत. राज्याच्या आरोग्य विभागाने यासंदर्भात माहिती दिली आहे.
महाराष्ट्रात नागपूरमध्ये ‘ब्लॅक फंगस’ रूग्णांची संख्या सर्वात जास्त आहे. सद्य स्थितीत नागपूरमध्ये 1395 रुग्ण आहेत. तर पुण्यात हाच आकडा 1269 इतका आहे. औरंगाबादमध्ये 951, नाशिक 568, सोलापूरमध्ये 531 तर पालघरमध्ये सर्वात कमी म्हणजेच 11 रुग्ण आहेत.
