वृत्तसंस्था/ नवी दिल्ली
भारतीय महिला लीग फुटबॉल स्पर्धेतील होणारे आगामी प्ले ऑफ गटातील सामने कोरोना महामारी समस्येमुळे लांबणीवर टाकण्यात आल्याची घोषणा अखिल भारतीय फुटबॉल फेडरेशनने रविवारी केली आहे.
या स्पर्धेतील प्ले ऑफ गटातील सामने दिल्लीत 7 एप्रिलपासून खेळविले जाणार होते. दरम्यान दिल्लीमध्ये कोरोनाचा प्रसार झपाटय़ाने होत असल्याचे दिसून आल्याने सदर सामने लांबणीवर टाकण्याचा निर्णय घेण्यात आला आहे. शनिवारपासून संपूर्ण देशात आतापर्यंत 93249 कोरोना रूग्ण आढळले असल्याने स्थिती चिंताजनक बनत चालली आहे. दिल्लीमध्ये शनिवारी कोरोनाच्या दुसऱया लाटेमध्ये 3500 रूग्ण आढळले आहेत.