हरमल वार्ताहर
गोवा राज्याचे माजी मुख्यमंत्री व हरमल पंचक्रोशी शिक्षण मंडळाचे चेअरमन श्री लक्ष्मीकांत पार्सेकर यांचा रविवार 4 जुलैचा वाढदिवस, कोविडच्या परिस्थितीमुळे साधेपणाने साजरा होणार आहे.
यंदाच्या वषी कोविडची तिसरी लाट टाळण्यासाठी व जनतेला रोगमुक्त ठेवण्यासाठी मोठा जनसमुदाय एकत्र येऊ नये ह्याची खबरदारी घ्यावीच लागेल.आपले हितचिंतक व कार्यकर्त्यांनी ह्याची नोंद घ्यावी असे आवाहन माजी मुख्यमंत्री लक्ष्मीकांत पार्सेकर यांनी केले आहे.दरम्यान गणपत पार्सेकर कॉलेज ऑफ एज्युकेशनचा स्थापना दिवस चेअरमन लक्ष्मीकांत पार्सेकर यांच्या वाढदिनी होत असे,यंदाच्यावषी सुद्धा स्थापना दिवस साधेपणाने साजरा करण्याचे ठरल्याचे समजते.