निकट सहवासात आल्याने महिलेचा रिपोर्ट पॉझिटिव्ह
वार्ताहर / परळी
सातार्याच्या पश्चिमेकडील सज्जनगडच्या पायथ्याशी डोंगरात वसलेले रायघर हे छोटेसे गाव. जेमतेम 30 ते 35 घरांचे असलेले हे गाव कोरोनाच्या वाढत्या साखळीने हादरून गेले आहे. रायघर येथील पहिल्या दोन बाधितांच्या निकट सहवासातील त्यांच्या कुटुंबातील 42 वर्षीय महिलेचा रिपोर्ट सोमवारी रात्री पॉझिटिव्ह आल्याने संपूर्ण भागात खळबळ उडाली आहे.
सदर महिला मुंबई येथून प्रवास करुन 17 मे रोजी रायघर येथे आपल्या गावी आली होती. या महिलेच्या घरातीलच 2 व्यक्ती कोरोना बाधित आढळल्यानंतर या महिलेस विलगीकरण कक्षात दाखल करण्यात आले होते. यानंतर सदर महिलेस काही लक्षणे दिसल्यानंतर 23 मे रोजी स्वॅब तपासणीत ही महिला कोरोना पॉझिटिव्ह आढळल्यानंतर एकच भयकंप भागात पसरला होता. वेळीच उपायोजना केल्याने आरोग्य विभाग तसेच वैद्यकिय अधिकार्यांच्या सतर्कतेमुळे रायघरचे वनवासमाची होण्यापासून बचाव झाला आहे.