साटेली भेडशी/ प्रतिनिधी-
प्राथमिक आरोग्य केंद्र साटेली भेडशी चे वैद्यकीय अधिकारी डॉ. गजानन सारंग यांची बदली रद्द न केल्यास तीव्र आंदोलन छेडण्यात येईल असा इशारा सरपंच सेवा संघटना जिल्हा संघटक प्रविण गवस यांनी दिला आहे.
साटेली भेडशी प्राथमिक आरोग्य केंद्र येथे गेली नऊ वर्षे अविरतपणे सेवा बजावण्यारे आणि सर्वसामान्य जनतेचे देवदूत बनलेले वैद्यकीय अधिकारी डॉ. गजानन सारंग यांची हिंगोली जिल्ह्यात प्रशासकीय बदली झाली ही बदली तात्काळ रद्द करण्यात यावी अशी मागणी सरपंच सेवा संघटना जिल्हा संघटक प्रविण गवस यांनी केली आहे.तसेच पालकमंत्री उदय सामंत ,जिल्हाधिकारी ,जिल्हा आरोग्य अधिकारी, तालुका आरोग्य अधिकारी यांचेही डॉ. सारंग यांची बदली रद्द होण्यासाठी पत्रव्यवहार श्री.गवस यांनी केले आहे.