ओटवणे / प्रतिनिधी-
भारतीय बौद्ध महासभेच्यावतीने सावंतवाडी येथील भारतरत्न डॉ बाबासाहेबआंबेडकर समाजमंदिर मध्ये बुद्ध पौर्णिमा शासनाचे कोविड नियम पाळून अत्यंत साधेपणाने साजरी करण्यात आली.
कार्यक्रमाच्या प्रारंभी भारतीय बौद्ध महासभेचे सावंतवाडी तालुका अध्यक्ष लक्ष्मण निगुडकर यांच्या हस्ते आणि मान्यवरांच्या उपस्थितीत डॉ बाबासाहेब आंबेडकर यांच्या पुतळ्याला पुष्पहार अर्पण करण्यात आला. कार्यक्रमाचे प्रास्ताविक मंगेश कदम यांनी केले. प्रकाश जाधव यांनी बुद्ध पौर्णिमा दिवसाचे महत्व सांगून शुभेच्छा दिल्या. यावेळी कोरोना महामारीत मृत झालेल्या सर्वांना आदरांजली अर्पण करण्यात आली.