गोडोली / प्रतिनिधी :
जळगाव ता.कोरेगाव येथील पाणी फाऊंडेशन आणि गावातील विविध सामाजिक क्षेत्रात योगदान देणाऱ्या कार्यकर्त्या सुभद्रा प्रभाकर जाधव (वय 72)यांचे अल्पशा आजाराने रविवार दि. 3 रोजी निधन झाले.
जळगाव येथील जेष्ठ नागरिक प्रभाकर शंकर जाधव यांच्या त्या पत्नी तर सामाजिक कार्यकर्ते शशिकांत जाधव आणि गणपत जाधव यांच्या त्या मातोश्री होत. त्यांच्या पश्चात पती, दोन मुले, सुना, नातवंडे असा परिवार आहे. सावडणे विधी मंगळवार दि. 5 रोजी जळगाव येथे होणार आहे.