ऑनलाईन टीम / पुणे
पुणे रेल्वेस्थानकावर दोन बॉम्बसदृश्य वस्तू आढळून आल्याने खळबळ उडाली आहे. (Bomb-like objects at Pune railway station) सध्या त्या ठिकाणी बॉम्ब शोधक पथक पोहोचलेल आहे. दोन नंबरच्या फ्लॅटफॉर्मवर ही घटना घडली आहे. त्यामुळे १ आणि २ नंबर प्लॅटफॉर्म रिकामा करण्यात आला आहे. तसेच स्टेशनच्या चारी बाजूस काहीकाळ नागरिकांची वर्दळ आणि वाहतूक काही काळ थांबवण्यात आलेली आहे.
पुणे रेल्वे स्टेशनवर बॉम्ब सदृश्य वस्तू आढळल्याचे समजताच पुणे पोलीस आयुक्तांनी घटनास्थळी धाव घेत रेल्वे स्टेशनची पाहणी केली. यावेळी आढळलेली वस्तू ही जिलेटिन नसल्याचे आयुक्तांनी सांगितले आहे.
दरम्यान, बॉम्ब शोधक पथकाने आढळलेली बॉम्ब सदृश वस्तू निकामी करण्यासाठी मोकळ्या जागेत नेली आहे. प्लॅटफॉर्म क्रमांक १ आणि २ परिसर रिकामा करण्यात आला आहे. पोलीस आयुक्त अमिताभ गुप्ता घटनास्थळी दाखल झाले असून रेल्वे स्थानक परिसराचा ते आढावा घेत आहेत. सह पोलीस आयुक्त संदीप कर्णिकही घटनास्थळी दाखल झाले असून ते घडमोडींवर नजर ठेऊन आहेत.