ऑनलाईन टीम / ठाणे :
शिळफाटाजवळील खान कंपाऊंड येथील सात गोदामांना रात्री सव्वा दोन वाजण्याच्या सुमारास भीषण आग लागली. सुदैवाने या आगीत कोणतीही जीवितहानी झाली नसली तरी मोठय़ा प्रमाणावर वित्त हानी झाली आहे.
मिळालेल्या माहितीनुसार, मुंब्य्रातील शिळफाटाजवळील खान कंपाऊंडमध्ये असलेल्या गोदामांना काल रात्री अचानक आग लागली. आगीची माहिती मिळताच अग्निशमन दलाच्या सहा गाडय़ा घटनास्थळी दाखल झाल्या. गोदामातील सामानामुळे आगीने रुद्र रुप धारण केले होते. अग्निशमन दलाच्या जवानांनी आग विझविण्याचे शर्थीचे प्रयत्न केले. मात्र, तोपर्यंत सात गोदामे आगीच्या भस्मस्थानी पडली.